Preguntanan Frekuente

E biyetenan lo ta di katuna, meskos ku e aktual biyetenan di Antia Hulandes. Sin embargo, nan lo ta di mihó kalidat i mas duradero. Esei ta nifiká ku e biyetenan di XCG lo keda bon mas tempu i, p’esei, e kantidat di biyete ku mester produsí atraves di tempu lo ta ménos.

Debí ku lo tin un bahada den tantu produkshon komo destrukshon di biyete, uso di e papel duradero akí lo kontribuí na un medioambiente mas limpi.

Den e prome 12 lunanan despues di introdukshon di XCG, lo bo por troka NAf. na e bankonan komersial. Den e 30 añanan despues ku e 12 lunanan ei pasa, ainda lo bo por troka NAf. pero na CBCS.

Na momento di troka plaka, tantu e bankonan komersial komo CBCS lo apliká e reglanan kontra labamentu di plaka (AML) i finansiamentu di terorismo (CFT).

Por sigui paga ku NAf. te 3 luna despues di introdukshon di XCG. Durante e periodo ei, ora bo paga i haña sèn bèk, esei lo ta na XCG.

A aserká diferente kas di moneda i suministradó di biyete den kuadro di e proyekto di XCG i laga nan partisipá na e destaho públiko. Di e ofertanan risibí, finalmente a skohe Royal Canadian Mint i Crane Currency.

Fuera di esei, pa algun tempu kaba, e suministradó di biyete NAf., ku ta Joh. Enschedé a stòp di imprimí plaka di papel. Debí na esei, e empresa akí no por a partisipá na e destaho públiko pa e proyekto di XCG.

Royal Canadian Mint lo produsí i entregá e monedanan i Crane Currency lo imprimí i entregá e biyetenan.

Ta kalkulá ku diseño i produkshon di florin karibense ta bai kosta aproksimadamente NAf 15 mion. E suma akí ta inkluí produkshon di moneda i biyete pa remplasá plaka NAf ku ta den sirkulashon aktualmente i pa por tin un stòk sufisiente pa e promé kuater añanan despues di esei. E gastunan akí lo ta pa kuenta di CBCS.
Un konsumidó lo por tin ku paga gastu si su banko komersial kobra pa kambia òf depositá sèn NAf despues di e fecha di introdukshon. Sin embargo, e gastunan ei no tin di aber ku introdukshon di florin karibense. Mas bien, nan ta parti di e gastunan atministrativo ku banko komersial ta kobra.

Meskos ku ta e kaso ku NAf, lo tin un tasa di kambio fiho di 1.79 entre florin Karibense (XCG) i dòler estadounidense. Esei ta fihá den Regeling wisselkoers Caribische gulden. Ophetivo di CBCS su maneho monetario ta di garantisá stabilidat di e moneda (esta, di e tasa di kambio fiho). P’esei mes, pa loke ta trata stabilidat monetario, nada lo no kambia ku introdukshon di XCG.

Un di e akuerdonan di prinsipio ku Kòrsou i Sint Maarten a sera den kuadro di e struktura konstitushonal nobo ku a drenta na vigor na 10-10-10, riba e tema di un banko sentral komun i e legislashon korespondiente, a stipulá ku lo bin un solo zona monetario ku un moneda komun, i ku esaki lo tin un tasa di kambio fiho mará na dòler estadounidense. Segun e akuerdonan di prinsipio, e moneda komun lo a yama ‘florin di Karibe hulandes’. Sin embargo, ya ku geográfikamente Karibe hulandes ta inkluí e islanan BES i Aruba tambe, a skohe e nòmber ‘florin karibense’.

Un di e bentahanan ta ku e plaka di papel i monedanan di florin karibense lo tin un diseño sofistiká i karakterístikanan di seguridat moderno i di kalidat haltu. Esaki lo prevení falsifikashon kual lo limitá e probabilidat ku bo lo keda defroudá òf pèrdí ora di hasi transakshonnan kèsh.

Den kuadro di e akuerdo riba reforma konstitushonal di èks Antia Hulandes, a forma un union monetario di Kòrsou i Sint Maarten.

‘Regeling Gemeenschappelijk Geldstelsel Curaçao en Sint Maarten’, ku ta regla e moneda ku e union monetario di e dos paisnan akí ta usa, ta stipulá ku florin karibense bini na lugá di florin di Antia Hulandes (NAf.).

E abreviashon ku lo usa pa florin karibense ta Cg. 

Sin embargo, e kódigo internashonal ofisial pa florin karibense lo ta XCG. Esei ta debí ku e kódigo ofisial di un moneda ku ta di mas ku un pais (den e kaso akí, Pais Kòrsou i Pais Sint Maarten) semper mester kuminsá ku 'X'.

Pa florin di Antia Hulandes ta usa NAf. komo abreviashon i su kódigo ofisial di moneda ta ANG.

Mester sigui produsí moneda i plaka di papel ya ku, manera investigashon a mustra, ainda tin hopi hende na Kòrsou i Sint Maarten ku ta paga ku sèn kèsh so. E ekonomianan di e dos paisnan akí ta funshoná prinsipalmente a base di sèn kèsh. Esaki tin di aber entre otro ku ‘inklushon finansiero’, ya ku ainda tin hende ku no tin nan mes kuenta di banko. Pa mas informashon statístiko, klek aki.

Fuera di esei, plaka kèsh ta keda importante ya ku e ta e medio di pago legal i por us’é na tur momento komo medio di pago. Ademas, plaka kèsh ta un alternativa ideal na momento ku koriente i/òf Internèt kai afó i den kaso di desaster natural, ora ku servisio di banko digital i pago digital no ta disponibel.
Un otro bentaha di pago kèsh ta ku e pago por sosodé na un manera ‘anónimo’, garantisando asina e privasidat di esun ku ta hasi e pago, ya ku un pago kèsh ta tuma lugá kompletamente lòs for di tur sistema giral.

Introdukshon di un moneda nobo a bira nesesario debí ku ta premirá eskases di diferente denominashon di moneda i plaka di papel di florin di Antia Hulandes. E imprenta ku ta produsí florin di Antia Hulandes no ta imprimí plaka di papel mas i e otro imprentanan ku sí ta hasi esei ainda a indiká ku nan no por produsí papel di florin di Antia Hulandes konforme su karakterístikanan aktual, debí ku su elementonan di siguridat a bira antikuá. P’esei, pa por produsí mas plaka di papel pa kumpli ku demanda, lo mester kambia e karakterístikanan aktual di plaka di papel di florin di Antia Hulandes pa modernisá esakinan. Mirando ku e kosto di hasi esei i e efekto ku e lo tin riba e sistema di pago lo ta komparabel na introdukshon di un moneda nobo, a yega na e konklushon ku, lógikamente mirá, a bira tempu pa introdusí e moneda nobo.

Ademas, debí ku e karakterístikanan di e monedanan i plaka di papel ta antikuá i, na mes momento, teknologia a sigui desaroyá, a bira posibel pa produsí falsifikashon di bon kalidat.

Por último, e riesgo di eskases di efektivo i e elementonan di siguridat defisiente ta pone na peliger e konfiansa ku públiko mester tin den e aktual medio di pago legal i, debí na esei, den siguridat i efisiensia di e sistema di pago den su totalidat.

E monedanan di florin karibense lo tin e siguiente denominashonnan: 5 florin, 1 florin, 50 sèn, 25 sèn, 10 sèn, 5 sèn i 1 sèn.
Pa plaka di papel, e denominashonnan lo ta 200 florin, 100 florin, 50 florin, 20 florin i 10 florin.

Na lugá di e papel di NAf. 250 florin, lo introdusí un papel di 200 florin karibense i na lugá di e papel di NAf. 25, lo bini unu di 20 florin karibense.

E denominashonnan nobo akí pa plaka di papel ta pas mihó ku loke bo ta topa generalmente den e sistemanan di pago internashonal, por ehèmpel di euro i dòler.

Meskos ku ta e kaso ku florin di Antia Hulandes, florin karibense lo ta mará na dòler estadounidense ku un tasa di kambio fiho di US$ 1 = 1,79.

Pa públiko, esei lo nifiká ku nan mester akudí na nan banko komersial i troka e florinnan antiano kèsh ku nan tin pa florin karibense, òf depositá e suma riba nan kuenta di banko.
Entrante e fecha di introdukshon, ora públiko lanta sèn for di ATM, nan lo risibí solamente biyete di florin karibense.
Un konsumidó lo por tin ku paga gastu si su banko komersial kobra pa kambia òf depositá sèn NAf despues di e fecha di introdukshon. Sin embargo, e gastunan ei no tin di aber ku introdukshon di florin karibense. Mas bien, nan ta parti di e gastunan atministrativo ku banko komersial ta kobra.

CBCS ta enkargá ku diseño di e moneda i ta CBCS tin ku laga imprimí e biyetenan. Diseño i produkshon di e monedanan di diferente denominashon tambe ta kai bou di CBCS su responsabilidat.

E diseño i spesifikashonnan di e monedanan ta deskribí den artíkulo 9 i 10 di Regeling Gemeenschappelijk Geldstelsel Curaçao en Sint Maarten. CBCS mes lo determiná ki material lo usa pa produsí e monedanan, i lo disidí tambe nan peso, midí i kantidat.

E intenshon ta pa introdusí florin karibense dia 31 di mart 2025.

E derecho di outor ta den man di Centrale Bank van Curaçao en Sint Maarten.

E tasa di kambio di florin di Antia Hulandes pa florin karibense ta 1:1. Balor di florin di Antia Hulandes ta igual na di florin karibense.

Sèn NAf ku ta riba bo kuentanan di banko lo wòrdu kambiá outomátikamente na florin karibense sin niun gastu. Un konsumidó lo por tin ku paga gastu si su banko komersial kobra pa kambia òf depositá sèn NAf despues di e fecha di introdukshon. Sin embargo, e gastunan ei no tin di aber ku introdukshon di florin karibense. Mas bien, nan ta parti di e gastunan atministrativo ku banko komersial ta kobra.