Preguntanan frekuente

E Hoofdlijnenakkoord Resolushon Ennia (di awor padilanti: “Hoofdlijnenakkoord”) ta un akuerdo entre Centrale Bank van Curaçao en Sint Maarten (CBCS) i e gobièrnunan di Pais Kòrsou i Pais Sint Maarten (di awor padilanti: “e Paisnan”) pa solushoná e problemanan finansiero di ENNIA, na interes di e doñonan di pólisa i na interes general di e Paisnan. E solushon akí ta konforme e reglanan fihá den Landsverordening toezicht verzekeringsbedrijf.

A base di e Hoofdlijnenakkoord (i), parti di e portafolio di seguro di Ennia Caribe Leven (ECL [bieu]) lo pasa pa un entidat di seguro nobo i solvente (ECL [nobo]). Na mes momento, (ii) ECL (bieu) lo sigui atministrá e otro parti di e portafolio. Wak tambe pregunta 8 tokante spletmentu di pólisa.

Pa finansiá e solushon akí (di awor padilanti, e ‘Resolushon’), CBCS i e Paisnan lo hasi aporte finansiero anual pa ENNIA, pa asina e défisitnan di ECL (bieu) por ser kubrí kada aña.

Pa por implementá e Hoofdlijnenakkoord, diferente partido eksterno tin ku duna nan aprobashon, entre otro, Korte di Promé Instansia di Kòrsou (debí ku ENNIA (bieu) ta bou di areglo di emergensia), i e Parlamentonan di Kòrsou i Sint Maarten pa loke ta trata e kontribushon finansiero ku e Paisnan tin ku bai hasi riba término largu pa e Resolushon di ENNIA.

Despues ku gobièrnu di e Paisnan i Hunta Direktivo di CBCS a aprobá e Hoofdlijnenakkoord, Parlamento di Kòrsou a ekspresá nan apoyo pa implementashon di e Hoofdlijnenakkoord dia 29 di febrüari 2024. Parlamento di Sint Maarten a kuminsá trata e Hoofdlijnenakkoord dia 27 di sèptèmber 2023 i lo sigui atend’é pronto. Despues, mester firma e dokumentonan ofisial, pa asina implementá e Hoofdlijnenakkoord mas rápidamente posibel.

E Paisnan a komprometé nan mes pa hasi un kontribushon anual i lo tene kuenta ku esei na momento di traha nan presupuesto anual.

Despues ku implementá e Hoofdlijnenakkoord, Gobièrnu di ámbos pais lo ta mará, pa durashon di e akuerdonan hasí, pa kumpli ku esakinan, asta si bin kambio den e relashonnan den Parlamento òf den gobièrnu. Ademas, e palabrashonnan hasí den e Hoofdlijnenakkoord lo por ser kambiá solamente si e partidonan enbolbí (Kòrsou, Sint Maarten i CBCS) bai di akuerdo.

Komo doño di pólisa, bo no tin di hasi nada. Na su debido momento, ENNIA lo informá bo tokante bo pólisa(nan). Pa mas sigur, wak bo pòst i otro kanalnan di komunikashon di ENNIA.

Esei ta dependé di kiko bo kondishonnan di pólisa ta bisa. Tuma kontakto ku bo konsehero òf agente di seguro pa mas informashon.

E spletmentu di pólisa tin di aber ku e echo ku, a base di e Hoofdlijnenakkoord pa doño di pólisa di ECL, ECL (bieu) lo sigui atministrá parti di e portafolio aktual di seguro,  miéntras ku e otro parti lo sigui bou di un entidat nobo, ECL (nobo). Ku e solushon akí, lo no tin nesesidat di redusí loke e doñonan di pólisa tin derecho riba dje. Aki ta sigui un splikashon di kua parti di e portafolio aktual lo pasa pa ECL (nobo) i kua parti lo keda bou di ECL (bieu).

• Si bo tin un pólisa ku bo a sera despues di 4 di yüli 2018, e lo pasa pa ECL (nobo) i sigui bou di e entidat ei.
• Si bo tin un pólisa ku ta den su fase di ‘opbouw’ entre 4 di yüli 2018 i awor (esta, ku bo a paga prima p’e despues di 4 di yüli 2018), e parti di bo pólisa ku bo a paga prima p’e for di e fecha ei (i e interes akumulá) lo pasa pa ECL (nobo) i sigui bou di e entidat ei.
• Si bo tin un pólisa ku a drenta su fase di ‘uitkering’ promé ku 4 di yüli 2018 (esta, si ta promé ku 4 di yüli 2018 so bo a paga prima), bo pólisa (i e interes akumulá) lo keda kompletamente bou di ECL (bieu).
• Si bo tin un pólisa ku tabata den su fase di ‘opbouw’ i ‘uitkering’ entre di 4 di yüli 2018 i awor, (por ehèmpel, si bo a baha ku penshun despues di 4 di yüli 2018), e parti di bo pólisa ku bo a paga prima p’e for di e fecha ei (i e interes akumulá) lo pasa pa ECL (nobo) i sigui bou di e entidat ei. E parti restante lo keda bou di ECL (bieu).

E Hoofdlijnenakkoord no tin efekto riba e kasonan kontra e akshonista di ENNIA, Parman International, òf Sr. Ansary i otronan. ENNIA i CBCS ta, i ta keda, disididu pa kobra daño i perhuisio for di Parman International (i Ansary i otronan).

Nò, en prinsipio, bou di e Hoofdlijnenakkoord, no mester redusí pago di penshun di ECL.

E Paisnan lo no bira kopropietario di ENNIA bou di e Resolushon.

A fiha kontribushon di CBCS, Kòrsou i Sint Maarten a base di e défisitnan ku aktuario ta premirá pa ECL (bieu), loke lei ta permití CBCS kontribuí, i kon e derechonan di penshun di ENNIA su doñonan di pólisa ta partí entre Kòrsou i Sint Maarten.

Aktualmente, entre otro, ECL (bieu), Ennia Caribe Schade (ECS) i Ennia Caribe Zorg (ECZ) ta bou di e areglo di emergensia. Debí na implementashon di e Hoofdlijnenakkoord, CBCS lo pidi Korte di Promé Instansia di Kòrsou saka ECS i ECZ for di e areglo di emergensia, pa nan por sigui operá komo kompania solvente di seguro. Un kompania mama nobo lo tuma e akshonnan di e dos entidatnan akí. ECL (bieu) lo keda bou di e areglo di emergensia i lo sirbi solamente pa kumpli ku e kompromisonan di penshun eksistente.

Intenshon di e Hoofdlijnenakkoord ta di logra un doorstart parsial di ENNIA. Esei ta enserá ku parti di e portafolio aktual di seguro di ENNIA (bieu) lo kontinuá den un entidat nobo ku ta bai lanta awor, ECL (nobo). Promé ku e entidat ei risibí e portafolio, e lo pidi e pèrmit nesesario di CBCS. ECL (nobo) lo bai forma parti di un grupo ENNIA nobo. E grupo nobo akí lo tin un struktura di akshonista i di finansiamentu stabil i duradero. Den futuro, e grupo lo desaroyá aktividat di seguro nobo tambe.

Sobrá di e portafolio di seguro eksistente lo keda bou di ENNIA (bieu). Den e Hoofdlijnenakkoord, CBCS i e Paisnan a yega na palabrashon tokante kon ta bai kubri e défisitnan na ENNIA (bieu) riba un base kontinuo.